बाँके साउन ५ गते ।
स्रोत नखुलेको मोटो रकम र लागु औषधसहित नेपालगन्जबाट दुईजना पक्राउ परेका छन् । प्रहरी प्रवक्ता मधुसुदन न्यौपानेका अनुसार लागु औषधको कारोवार भइरहेको सूचनाका आधारमा नेपालगन्ज ११ ठटेरियन टोलबा नेपालगन्ज १५ का ६१ वर्षीय गुन्नु कबडिया र १८ वर्षीय राहुल कबडिया पक्राउ परेका हुन् ।
उनीहरु बसेको घरबाट २ ग्राम १०० मिलिग्राम ब्राउन सुगर र स्रोत नखुलेको ५ लाख १५ हजार पाँच सय रुपैयाँ बरामद भएको हो । दुई थान मोवाइल पनि बरामद भएको छ । उनीहरुमाथि थप अनुसन्धान भइरहेको प्रहरीले जनाएको छ।
ADVERTISEMENT
Discussion about this post