बाँके साउन २२ गते ।
हातहतियारसहित बाँकेमा एकजना पक्राउ परेका छन् । उनलाई दाङको प्रहरी टोलीले पक्राउ गरेको हो । उनको साथबाट भरुवा बन्दुक र कटुवा पेस्तोल बरामद भएको छ ।
नरैनापुर गाउँपालिका–६ दोन्द्राका ५० वर्षीय छोटेलाल राढ भरुवा बन्दुक र कटुवा पेस्तोलसहित पक्राउ परेको बाँके प्रहरीले जनाएको छ ।
हातहतियारको बिक्री वितरण भइरहेको भन्ने सूचनाका आधारमा लुम्बिनी प्रदेश प्रहरी अनुसन्धान समूह दाङबाट खटिएको टोलीले राढबाट एकनाले भरुवा बन्दुक एकथान, त्यसमा लाग्ने छर्रा तीन थान र एउटा कटुवा पेस्तोल बरामद गरेको बताइएको छ ।
पक्राउ परेका राढमाथि थप अनुसन्धान भइरहेको बाँकेका प्रहरी प्रवक्ता एवं प्रहरी नायब उपरिक्षक मधुसुदन न्यौपानेले जानकारी दिनुभयो ।
ADVERTISEMENT
Discussion about this post