बाँके भदौ १५ गते ।
वडाअध्यक्षहरुको लापरवाहीले डुवानको समस्या झेल्नु परेको नेपालगन्ज उपमहानगरपालिका वडा नम्वर ५ र ६ का स्थानीयबासीले गुनासो गरेका छन् । पानीको निकास नहुँदा पचासबढी घर पीडित भएका छन् ।
५ र ६ नम्वर वडा छुट्याउने सीमानामा यो समस्या देखिएको हो । पानीको निकासका लागि वडा नम्वर ६ ले नाला खनेर १६ वटा होमपाइप बिछ्याइएको जनाएको छ । तर त्योबाट सहज तरिकाले पानीको निकास हुन नसकेको स्थानीय बताउँछन् ।
स्पष्ट सीमांकन नभएका कारण यहाँको समस्याबाट दुवै वडाअध्यक्ष पन्छिने गरेको स्थानीयको आरोप छ ।
नेकपा माओवादी केन्द्रको नगरकमिटी सदस्य तथा नेपालगन्ज उपमहानगरपालिका वडा नम्बर ८ बुथ कमिटीका अध्यक्ष रिजवान शेषले ५ र ६ नम्बर वडाको सिमाना बिबादको कारणले गर्दा पुरै वडा डुबानमा परेको बताउनुभयो ।
उहाँले लगातारको वर्षा अनि नालाको निकास नहुँदा डुबानले स्थानियको उठिबास हुँदापनि दुबै वडाका अध्यक्षहरुले वास्ता नगरेको बताउनुभयो ।
उहाँले भन्नुभयो–‘वडाअध्यक्षहरुले स्थानिय बासिन्दाको कुरा नसुन्ने र फोन गर्दा समेत चासो दिने गरेका छैनन् ।’ उहाँले घर भित्र पुरै पानी छिरेपछि छतमाथी गएर बस्नु पर्ने अवस्था रहेको स्थानीय बताउँछन् । –छोराछोरी पानीमा डुब्ने हुन कि भन्ने त्रास सँगै सर्प र जुकाको डरले दिनरात सताउँछ उहाँले भन्नुभयो–‘यहाँका बासिन्दा त्रासदीपूर्ण दिन विताइरहेका छन् ।’
उहाँले आफू अर्को वडाको व्यक्ती भएपनि आफ्नो पार्टीले आफुलाई सिङ्गो नगरको जिम्मा दिएको हुँदा आफ्नो वडा बाहेक अन्य वडामा गएर पनि सहयोग गर्ने गरेको बताउनुभयो ।
उहाँले वडा अध्यक्षको लापरबाहीले गर्दा जनताको घर डुबानमा परेर भत्कियो भने त्यसको जिम्मा वडा अध्यक्षले नै लिनुपर्ने बताउनुभयो ।
त्यस्तै वडा नम्बर ५ का समाजसेवी मोहमद सब्बिर अन्सारिले स्थानिय सरकार बनेर वडा अध्यक्ष भैइसकेर चार बर्ष सम्म पदमा रहँदा पनि नेताहरुले जनताको दुखमा राम्रो सँग चासो नदेखाएको बताउनुभयो ।
‘म कुनै पद र कुर्सिमा छैन उहाँले भन्नुभयो–‘ तर दिनरात जनतालाई कसरी सुरक्षीत राख्ने भनेर लागिरहेको छु ।’ उहाँले आजसम्म वडा अध्यक्षले जनताको दुखमा चासो नदेखाएकाले अब आउने स्थानिय तहमा हाम्रा होइन राम्रा अनि जनताको दुखमा साथ दिने नेतालाई जिताउन समेत स्थानियलाई आग्रह गर्नुभयो ।
अहिले शेष र अन्सारीले पानीको निकास खोल्ने काम गर्दैै आउनुभएको छ । भदौ १० गते आएको बर्षातको पानी निकास नहुँदा अहिले पनि हिलाम्य अवस्थामा बस्नु परेको स्थानीयको गुनासो छ ।
वडामा आएको बजेट खर्च हुन नसकेर फिर्ता समेत भएको छ । आर्थिक वर्ष ०७७-०७८ मा वडा नम्वर ५ को ९ लाख ५९ हजार र वडा नम्वर ६ को ३० लाख २७ हजार बढी बजेट फिर्ता भएको छ ।
भएको बजेट समेत सदुपयोग नगर्ने वडाअध्यक्षका कारण आफुहरुलाई ठूलो समस्या परेको स्थानीयको भनाइ छ । ६ का वडाअध्यक्ष समिरप्रताप सिंहले भने स्थानीयकै कारण नाला खनिएको र होमपाइप हालिएको बताउनुभयो । उहाँले १६ वटा होमपाइप हालिएको बताउनुभयो ।
भिडियो सहित
Discussion about this post