काठमाडौं कार्तिक १ गते ।
साफ च्याम्पियनसिप फुटबलमा उपविजेता बनेको नेपाली राष्ट्रिय फुटबल टिम आज नेपाल आईपुग्ने भएको छ । अखिल नेपाल फुटबल संघ (एन्फा) ले उपविजेता नेपाली टिम आज बिहान नेपाल आईपुग्ने जनाएको छ ।
नेपाली टिम बिहान ९ः१० बजे त्रिभुवन अन्तराष्ट्रिय विमानस्थल ओर्लने छ ।मालेमा गएको शनिबार राति भएको फाइनलमा नेपाल भारतसँग ३–० ले पराजित भएको थियो ।फाइनलमा पराजित भएपछि नेपाल ऐतिहासिक उपाधि जित्नबाट वञ्चित भएको थियो ।
नेपाल पहिलो पटक साफको उपविजेता बनेको हो ।पाँच राष्ट्र सहभागी प्रतियोगितामा नेपाल लिग चरणमा उपविजेता बन्दै फाइनल पुगेको थियो ।
ADVERTISEMENT
Discussion about this post