वसिम अन्सारी
बाँके कार्तिक २ गते ।
मोहम्मद डे को अवसरमा राष्ट्रिय प्रजातन्त्र पार्टी बाँके वडा नम्बर ५ का इकाइ उपाध्यक्ष तथा युवा नेता सलिम अहमदको अगुवाइमा आज मिठाई र पानी बितरण गरेको छ ।
मोहम्मद डे को उपलक्ष्यमा आयोजना गरेको कार्यक्रममा मेयर धवल शम्शेर राणाले मिठाई र पानी वितरणका साथै मुस्लिम धर्मावलम्बीहरुमा शुभकामना व्यक्त समेत गरेको राप्रपाका इकाइ उपाध्यक्ष अहमदले जानकारी गराएका हुन ।
उनले सामाजिक सद्भाव कायम राख्दै हिन्दु मुस्लिम सबै मिली मोहम्मद डे धुमधामका साथ मनाएको बताए ।
नेपालगन्ज शहर सद्भावको शहरको रुपमा परिचित छ त्यसैले हिन्दू धर्मावलम्बीहरुले मनाउने वडादशै अन्य धर्मावलम्बीहरुले पनि सौहाद्रपूर्ण वातावरणमा मनाउने गरेको र मुस्लिम धर्मावलम्बीहरुले मनाउने मोहम्मद डे होस या अन्य चाडपर्व होस सबैमा हिन्दु धर्मावलम्बीहरुले पनि सद्भाव र हर्षोउल्लासका साथ मनाउने गरेको उनले बताए।
हजरत मोहम्मदको जन्म इस्लामी पात्रो हिजरी सम्वतको रब्बिउल औवल महिनाको १२ तारिखका दिन बुबा अब्दुल्लाह र आमा आमिनाको कोखबाट साउदीको मक्का शहरमा भएको थियो । त्यसै दिन विश्वभरका मुस्लिमहरुले भव्यताका साथ बिविध कार्यक्रम गरी हजरत मोहम्मदको जन्मोत्सव मनाउने गरेको उनले बताए ।
उनले मोहम्मद डे का दिन बिहानैबाट पहिलो नमाज पढेर सुद्ध भई महोम्मदका सन्देशहरु स्मरण गर्ने र पालना गर्न प्रतिबद्धता जनाउने गरिएको समेत बताए ।
Discussion about this post