सशस्त्र प्रहरीद्धारा भन्सार छलेर ल्याइएका मोबाइल बरामद

बाँके कार्तिक १० गते ।
भारतबाट भन्सार छलि नेपाल भित्र्याउँदै गरेको मोवाइल नेपालगन्जको चौलिका चोकबाट बरामद भएको छ । सशस्त्र प्रहरी बल नेपाल नम्वर ३० गण हेडक्वाटर बागेश्वरीले दुईलाख बढीको मोवाइलसहित मोटरसाइकल बरामद गरेको हो ।

सशस्त्र प्रहरी सहायक निरीक्षक नबराज मल्लको कमाण्डमा खटिएको टोलीले चेकजाँच गर्नेक्रममा भारतीय नम्वर प्लेटको युपि ४० क्यु ८६७२ नम्बरको मोटरसाइकल सहित विभिन्न ब्रान्डका मोवाइल बरामद गरेको हो ।

ओप्पो एफ १९ प्रो, ओप्पो ए ५४ , सामसुङ एफ २२ र भिभो मोबाईल र मोटरसाइकल दुई लाख २६ हजार मुल्य बराबर रहेको सशस्त्र प्रहरी उपरीक्षक अशोक कुमार बमले जानकारी दिनुभयो ।

बरामद गरिएको भन्सार छलिको सो मोवाइल र मोटरसाइकल थप कारवाहीका लागि नेपालगन्ज भन्सार कार्यालयमा बुझाइएको पनि प्रहरी उपरीक्षक बमले जानकारी दिनुभयो ।