बाँके कार्तिक १२ गते ।
भारतबाट हुने प्रतिबन्धि लागु औषध आयातको क्रम रोकिएको छैन् । प्रहरीले चेकजाँचलाई कडाइ गरेपनि प्रतिबन्धित लागु औषध कारोवारी तथा प्रयोगकर्ताहरुले आयात गरिरहेका हुन् ।
प्रहरीलाई छलेर नेपाल भित्र्याउने गरेको भएपनि प्रहरीले पनि त्यस्ता कारोवारी र प्रयोगकर्तालाई पक्राउ गर्दै आएको छ । यसैक्रममा नेपालगञ्ज जमुनाह नाका बाट दुई जना लागू औषध ब्राउन सुगर सहित पक्राउ परेका छन ।
भारतबाट नेपाल आउने क्रममा इलाका प्रहरी कार्यालयका इन्चार्ज मीन बहादुर बिष्ट र लागू औषध लुम्बिनी प्रदेश ब्युरोका इन्सपेक्टर प्रकाश केसीको संयुक्त टोलीले दाङका दुईजनालाई पक्राउ गरेको हो ।
पक्राउ पर्नेमा दाङ तुलसीपुर उपमहानगरपालिका १ का प्रकाश विक र समिर विक रहेका छन् । उनीहरुबाट ३ ग्राम २५ मिलिग्राम ब्राउन सुगर बरामद भएको हो ।
प्रकाशले दायाँ खुट्टाको जुत्ता भित्र राखेर ल्याएको अवस्था उक्त लागु औषध बरामद भएको इन्चार्ज विष्टले बताउनुभयो । उनीहरुको साथबाट दुई थान मोवाइल समेत बरामद भएको छ ।
Discussion about this post