बाँकेमा आजदेखि दूधको खरिद र विक्री मूल्य बढ्यो

बाँके माघ २८ गते ।
दूग्ध विकास संस्थान नेपालगन्ज दुग्ध वितरण आयोजनाले आजदेखि लागू हुने गरी बाँकेमा दुधको खरिद र विक्री मूल्य बढाएको छ ।

विक्री मूल्य ९ रुपैयाँ बढाएको वितरण केन्द्रले खरिद मूल्य भने ८ रुपैयाँ ५८ पैसा बढाएको हो । संस्थानका प्रमुख योगेन्द्र शाहका अनुसार स्टान्डर्ड दूधको मूल्य प्रतिलिटर ९ रुपैयाँले बढाइएसँगै अव प्रतिलिटर ७९ रुपैयाँ पुगेको छ । यसअघि ७० रुपैयाँ प्रतिलिटरमा दुध खरिद गर्ने गरिएको थियो ।

सरकारले कच्चा दूधको मूल्य बढाएसँगै संस्थानले पनि उपभोक्ता मूल्य बढाउने निर्णय गरेको हो । शाहका अनुसार संस्थानले अव किसानबाट प्रतिलिटर ५७ रुपैयाँ २४ पैसामा दुध खरिद गर्नेछ ।

कोहलपुरमा रहेको संस्थानले किसानबाट दैनिक ८ देखि १० हजार लिटर दुध खरिद गर्ने गरेको छ भने १० देखि १२ हजार लिटर दुध विक्री गर्ने गरेको शाहले बताउनुभयो । सामान्यत दूधको खुद्रा बिक्री मूल्य दुग्ध विकास संस्थानले तोक्ने प्रचलन छ ।