बाँके फागुन ९ गते ।
बाँकेको कोहलपुरमा गएराती ट्रकले किच्दा ड्युटीमा रहेकी एक महिला प्रहरीको ज्यान गएको छ ।
कोहलपुर नगरपालिका–११ चौराहामा गएराती अन्दाजी १० बजेको समयमा ड्युटीमा रहनुभएकी ३६ वर्षीया कबिता बुढा क्षेत्रीलाई ट्रकले किच्दा उहाँको ज्यान गएको कोहलपुरका डिएसपी रबिन्द्र खनालले जानकारी दिनुभयो ।
सँगै ड्युटीमा रहनुभएकी अर्की महिला हवल्दार बासमती चौधरीले भने भागेर ज्यान जोगाउनुभएको छ । नेपालगन्जतर्फ आउँदै गरेको ना ३ ख ६४३६ नम्बरको ट्रक चौराहामा ट्रनिङ गर्ने क्रममा अनियन्त्रित भई पल्टिदा ट्रकको पछाडीको ढालाले सडकको किनारामा रहेकी ती महिला प्रहरीलाई किच्दा उहाँको ज्यान गएको खनालले बताउनुभयो ।
ठाकुरबाबा नगरपालिका वडा नम्बर ७, बर्दिया माइती भई प्युठान नगरपालिका वडा नम्बर २ चितिखोला प्युठान घर भएकी बुढा क्षेत्री इप्रका कोहलपुरमा कार्यरत रहनुभएको थियो ।
उक्त ट्रक र सवारी चालक अहिले कोहलपुर इलाका प्रहरी कार्यालयले नियन्त्रण लिएको प्रहरीले बताएको छ ।
Discussion about this post