सल्यान असोज ११ गते । लागु औषध सहित सल्यानमा तीन जना पक्राउ परेका छन् । शुक्रबार साँझ सँवा ५ बजे तीर जिल्लाको बागचौर नगरपालिका ४ सेती गुँरासबाट तीन जनालाई प्रहरी पक्राउ गरेको हो । लागु औषध कारोबार हुदैँ छ भन्ने गोप्य सुचनाको आधारमा खटिएको प्रहरी टोलीले उनीहरुलाई पक्राउ गरेको जिल्ला प्रहरी कार्यालय सल्यानले जनाएको छ ।
उनीहरुलाई शनीबार आज पत्रकार सम्मेलन गरी सार्बजनिक गरिएको छ । पक्राउ पर्नेमा रुकुम पश्चिमको बाँफिकोट गाउपालिका वडा नम्बर ९ झुलाका २० बर्षका कमल बिष्ट मगर, रुकुम पश्चिम कै आठबिसकोट नगरपालिका वडा नम्बर १२ ठूलीबार्खुका २२ बर्षिय मान बहादुर गिरी र दाङको तुलसीपुर उपमहानगरपालिका वडा नम्बर १२ उरहरीका १८ बर्षिय प्रेम पुन मगर रहेको सल्यानका प्रहरी प्रमुख, प्रहरी नायव उपरिक्षक ढकेन्द्र खतिवडाले जानकारी दिनुभयो ।
‘प्रहरीले बा ३२ प ५२९६ र रा ५ प ५३३२ नम्बरको मोटरसाईकलमा हिडिरहेको अबस्थामा उनीहरुलाई रोकेर शरिर, सवारी साधन तथा झोलाको खानतलासी गर्दा मान बहादुर गिरीले बोकेको कालो रंगको पछाडी बोक्ने झोला भित्र निलो रंगको प्लाष्टिकको कागजमा पोको पारेको अबस्थामा ८८४ ग्राम अफिस जस्तो देखिने लागु औषध सहित पक्राउ गरेको हो’— उहाँले भन्नुभयो ।
उहाँले रुकुमबाट ल्याएको लागु औषध सल्यानको बाटो भएर दाङ तर्फ लैजादै गरेको हुन सक्ने बताउनुभयो । आरोपितहरुमा हिरासतमा राखेर थप अनुसन्धान गरिरहेको जिल्ला प्रहरी कार्यालय सल्यानले जनाएको छ ।
Discussion about this post