बाँके बैशाख १५ गते ।
नेपालगन्जको उपमेयरका उम्मेदवार कमरुद्दिन राईको पक्षमा माहोल बढ्दै गएको छ । संकटका बेला जनतामाझ खटिने राईलाई मतदान गरेर ऋण चुकाउने पक्षमा छन् नेपालगन्जबासी । यस पटकको निर्वाचनमा उपमेयरमा राईलाई मतदान गर्ने नेपालगन्ज उपमहानगरपालिका १४ का शलमान शेषले बताए ।
पार्टीभन्दा ब्यक्तिको चरित्र हेरेर मतदान गर्ने उनले बताए । ‘यसपाली संकटका बेला समेत दिनरात खटिने उम्मेदवारलाई भोट दिन्छौँ,’ उनले भने, ‘कोरोना कहरमा समेत कमरुद्धिन जी घर–घर आएर दुख, सुख बुझ्नु भयो, सहयोग गर्नुभयो, त्यसैले उहाँलाई भोट दिनै पर्छ, दिन्छौँ पनि ।’
जनताको साथ पाएपछि चुनावी अभियान लिएर घरदैलो गरिरहेका राई पनि हौसिएका छन् । दिनदिनै आफ्नो पक्षमा जनलहर बढेपछि जित नजिक पुगेको उनले बताए । ‘नगरका कुनै ठाउँमा मलाई असहयोग भएको छैन, नेपालगन्जबासीको साथ र सहयोग पाइरहेको छु । यसले मलाई घरदैलो गर्ने आत्मबल बढाएको छ, हौसला थपेको छ,’ उनले भने ।
नेपालगन्जबासीले यस पटक जात, धर्म नहेरेर स्वच्छ छवीका उम्मेदवारलाई जिताउने मनसाय बनाएका छन् । नेपालगन्ज उपमहानगरपालिका ४ का उसमान अन्सारीले पनि दुख, सुखमा साथ दिने स्वच्छ छवीका उम्मेदवारलाई भोट दिने बताए । ‘उपमेयरमा राईको पक्षमा जनलहर छ, म पनि उहाँलाई नै भोट दिने मनस्थितिमा छु, मलाई लाग्छ सायद अरु धेरैको मनसाय पनि म जस्तै हुनु पर्छ,’ उनले भने ।
महिला र पुरुष भन्दा जनताको भावना बुझ्ने ब्यक्तिलाई मतदान गर्ने पक्षमा छन् नेपालगन्जबासी । अहिलेका उम्मेदवार मध्ये सवैभन्दा उपयुक्त कमरुद्धिनलाई पाएको नेपालगन्ज ९ का फरुद्धिन हल्वाईले बताए । ‘यस पटक ब्यक्ति रोज्ने क्रममा उपमेयरमा कमरुद्धिनलाई सवैभन्दा राम्रो उम्मेदवार पाएँ,’ उनले भने ।
Discussion about this post