बाँके असार २७ गते ।
नेपालगन्जमा लायन रामनारायण मधुमेह सेवा केन्द्र सञ्चालनमा ल्याईएको छ । उक्त केन्द्रको सोमवार एक कार्यक्रमका बीच स्वास्थ्य राज्यमन्त्री हिराचन्द्र केसीले उद्घाटन गर्नुभयो ।
करिब २० लाखको लागतमा मधुमेह सेवा केन्द्र निर्माण गरिएको लायन्स पूर्व डिष्ट्रिक गभर्नर शेम शाक्यले बताउनुभयो । त्यसमा लायन रामनारायणको परिवारबाट करिब १२ लाख बाँकी स्रोत लायन्स मेम्बर तथा क्लबहरुबाट जुटाइएको पनि उहाँको भनाइ छ ।
स्वास्थ्यकर्मी समेत रहेका लायन शाक्यले केन्द्रबाट बजारमा गरिने परीक्षण भन्दा ५० प्रतिशत कम शुल्कमा रक्त परीक्षण गर्ने जानकारी दिनुभयो । उहाँले सेवा केन्द्रबाट लिभर, किड्नीको फङ्सन परीक्षण पनि हुने बताउनुभयो ।
केन्द्रमा २ जना कन्स्लटेन्ट चिकित्सकले सेवा समेत दिने उहाँको भनाइ छ । मधुमेहका बिरामी बढ्दै गएपछि उनीहरुलाई लक्षित गरेर छुट्टै अस्पताल स्थापना गरिनु उपलब्धीपूर्ण रहेको मन्त्री केसीले बताउनुभयो ।
उहाँले लायन रामनारायणले अस्पताल निर्माणका लागि पु¥याएको योगदानको उच्च प्रशंसा गर्नुभयो । नेपालगन्जका नगर प्रमुख प्रशान्त विष्टले अस्पताल संचालनमा आउनु सुखद कुरा भएको भन्दै उपमहानगरबाट हुन सक्ने आवश्यक सहयोगको प्रतिबद्धता जनाउनुभयो।
पछिल्लो समय परिर्वतित जीवनशैलीका कारण लाखौँ मानिसहरुमा मधुमेहको समस्या बढी देखिन थालेको चिकित्सकहरुले बताएका छन् ।
Discussion about this post