जीप दुर्घटना हुँदा प्युठानमा एक जनाको मृत्यु, १४ घाइते

सम्बन्धित समाचार

प्युठान साउन १४ गते ।
प्युठानमा जीप दुर्घटना हुँदा एक जनाको मृत्यु भएको छ। जिल्लाको स्वर्गद्वारी नगरपालिका वडा नंवर ४ भ्यागुतेमा शनिबार दिउँसो जीप दुर्घटना हुँदा एकजना महिलाको मृत्यु भएको छ भने १४ जना घाइते भएका छन्।

स्वर्गद्वारीबाट भिङ्ग्रीतर्फ जाँदै गरेको लु ३ च ३५३ नम्बरको जीप दुर्घटना हुँदा रुपन्देही निवासी मायादेवी ठाकुरको घटनास्थलमै मृत्यु भएको इलाका प्रहरी कार्यालय भिङ्ग्रीले जनाएको छ।

प्रहरीका अनुसार दुर्घटनामा १४ जना घाइते भएका छन्। त्यसमध्ये ९ जनाको अवस्था गम्भीर छ। स्वर्गद्वारी मन्दिर दर्शन गरेर फर्कने क्रममा जीप दुर्घटनामा परेको हो। दुर्घटनाको बारे थप विवरण आउन बाँकी रहेको छ।