मन्त्री राईले-जनताको घरदैलोमा पुगेर विजयादशमी र शुभ दिपावलीको शुभकामना साटासाट गरे

बाँके असोज १८ गते । शुक्रबार गृह नगर नेपालगञ्ज पुगेका शहरी विकास मन्त्री मोहम्मद इस्तियाक राई ले नेपालीहरूको महान चाड विजयादशमी, शुभ दिपावली, छठ पर्वको शुभकामना आदानप्रदान गर्नुभएको छ ।

शनिबार नेपालगञ्ज सहरको मुटु भन्ने त्रिभुवन चोकमा विभिन्न व्यवसायीहरुको घरदैलो र पसलेमा पैदल पुगेर मन्त्री राईले शुभकामना साटासाट गर्नुभएको छ ।

सो कार्यक्रममा प्रदेश सभा सदस्य बिजय बहादुर यादव, समाजवादी पार्टी बाँके जिल्ला कार्य समितिका अध्यक्ष कमरुद्दिन राई र जिल्ला कार्य समितिका सचीव बदरुद्दुजा खाँ, लगायतका नेता तथा कार्याकर्ताहरुको उपस्थिति रहेको थियो ।

मन्त्री राईले सामाजिक सद्भावका लागि धार्मिक चाडपर्वहरु महत्वपूर्ण हुने बताउँदै आउनुभएको छ, बाँके क्षेत्र नम्बर २ बाट निर्वाचित सांसद समेत रहनुभएका मन्त्री राईले विकास योजनाका कामको अनूगमन समेत गर्ने बताउनुभयो । शुक्रबार नेपालजञ्ज पुगेको मन्त्री राई असोज २३ गते राजधानी फिर्ता हुने कार्यक्रम रहेको समाजवादी पार्टी बाँके जिल्ला कार्य समितिका अध्यक्ष राई ले जानकारी दिनुभयो ।