भेरी अस्पतालका अध्यक्ष जसगढद्धारा अस्पतालको निरीक्षण

बाँके असोज ९ गते ।
भेरी अस्पताल विकास समितिका अध्यक्ष शकील अहमद जसगडले आज भेरी अस्पतालको निरीक्षण गर्नु भएको छ ।

अस्पतालको विभिन्न सेवाका साथै अस्पतालको आइसीयू, डायलाइसिस, एनआइसीयू, न्युरो, पेइंग, जनरल तथा इमर्जेन्सी विभागको निरीक्षण गर्नु भएको हो ।निरीक्षणको क्रममा अस्पताल विकास समितिका सदस्य कृष्ण प्रसाद श्रेष्ठको पनि सहभागिता रहेको थियो ।

निरीक्षणका दौरान अध्यक्ष जसगडले अस्पतालले दिंदै आएको सेवा सुविधाको बारेमा विभिन्न विभागका डाक्टर, विभाग प्रमुख, बिरामी तथा बिरामीका कुरुवाहरुसँग अस्पतालले दिंदै आएको सेवा सुविधाको बारेमा कुराकानी गर्नु भएको छ ।

असोज ७ गते शुक्रबार पदभार ग्रहण गर्नु भएका जसगडले अस्पतालले दिंदै आईरहेको सेवा सुविधालाई अझ चुस्त दुरुस्त तरिकाले सेवा प्रदान गर्न विभिन्न वार्डहरुमा निर्देशन दिनु भएको छ ।