बाँके पुस ७ गते ।
नेपालगन्ज उपमहानगरपालिकाका उपप्रमुख कमरुद्दीन राई नेपाल नगरपालिका संघको केन्द्रिय सदस्यमा निर्वाचित हुनु भएको छ । संघको आठौं महाधिवेशनबाट नगर प्रमुख राई केन्द्रिय सदस्यमा निर्वाचित हुनु भएको हो ।
राई स्थानीय तहको निर्वाचनमा जसपाबाट निर्वाचित हुनु भएको हो ।उहाँ जसपा बाँकेको अध्यक्ष समेत हुनुहुन्छ । स्थानीय तहको निर्वाचन भएपछि पालिकामा जित हासिल गरेको पार्टीको संख्या अनुसार संघको भागवण्डा भएको हो । देशभरिका २ सय ९३ नगरपालिकाका जननिर्वाचित प्रतिनिधिबाट ५ वर्षको लागि नयाँ कार्यसमिति चयन भएको हो ।
अध्यक्षमा धादिङको नीलकण्ठ नगरपालिकाका प्रमुख भीम ढुंगाना चयन हुनु भएको छ । नेपाली कांग्रेसबाट निर्वाचित ढुंगाना संघको आठौं महाधिवेशनबाट ४३ सदस्यीय कार्यसमितिमा सर्वसम्मत अध्यक्ष चुनिनु भएको हो ।
ADVERTISEMENT
Discussion about this post