कैलाली असोज २७ गते । श्रीमानको कुटाईबाट कैलालीमा श्रीमतीको मृत्यु भएको छ । लम्की चुहा नगरपालिका–१ भरुवाका धिरेन्द्र थापाको कुटपिटबाट उनकी श्रीमती जानकी बिक थापाको मृत्यु भएको जिल्ला प्रहरी कार्यालय कैलालीले जनाएको छ ।
श्रीमानको कुटाईबाट अचेत भेटिएकी थापालाई उपचारका लागि नेपालगञ्ज पठाइएको थियो । उपचारपछि घर फर्किएकी थापालाई थप उपचारका लागि धनगढीस्थित सेती प्रादेशिक अस्पताल ल्याउने क्रममा आइतवार राति करीब ७ बजे मृत्यु भएको थियो । जानकीको टाउकोमा गहिरो चोट लागेको प्रहरीले जनाएको छ ।
प्रहरी ले उनका श्रीमान् धिरेन्द्रलाई नियन्त्रणमा लिएको छ । प्रहरीका अनुसार भारतबाट मजदुरी गरेर आएका धिरेन्द्रले घरमै परपुरुषसँग श्रीमतीलाई भेटेपछि कुटपिट गरेका थिए । उनकी श्रीमतीसँग भेटिएका पुरुषलाई प्रहरीले तारेकमा छाडेको छ भने धिरेन्द्रलाई कर्तव्य ज्यानअन्तर्गत मुद्दा दर्ता हुने प्रहरी ले जनाएको छ।
Discussion about this post