बाँकेमा चित्तलको मासुसहित एकजना पक्राउ

बाँके भदौ १७ गते ।
प्रहरीले ४० किलो जंगली जनावर चित्तलको मासुसहित एक जनालाई पक्राउ गरेको छ ।

इलाका प्रहरी कार्यालय बनकट्टीबाट चेकजाँचमा खटिएको प्रहरी टोलीले राप्तीसोनारीको फत्तेपुरबाट नेपालगञ्ज ल्याउँदै गरेको भे १ ह ३९०८ नम्बरको अटोमा राखिएको अवस्थामा चित्तलको मासुसहित अटो र चालकलाई पक्राउ गरेको बाँकेका प्रहरी प्रवक्ता नारायण डाँगीले जानकारी दिए ।

डाँगीका अनुसार अटोको डिक्कीमा लुकाई छिपाई नेपालगञ्ज ल्याउँदै गरेको अवस्थामा शनिबार अपराह्न करिब साढे ४ बजे राप्तीसोनारी–६ का अटो चालक हरि परियारलाई मासुसहित प्रहरीले पक्राउ गरेको थियो ।

पक्राउ परेका चालक परियारसहित बरामद गरिएको चित्तलको मासुलाई आवश्यक कारबाहीका लागि शनिबार राती नै जिल्ला बन कार्यालय बाँकेमा पठाइएको डाँगीले बताए ।