द्वन्द्व ब्यवस्थापन गर्न नसकेको भन्दै बाँकेका सिडिओ र एसपीको सरुवा

सम्बन्धित समाचार

बाँके असोज २६ गते ।
बाँकेका प्रमुख जिल्ला अधिकारी (सिडिओ) विपिन आचार्य र जिल्ला प्रहरी कार्यालयका एसपी सन्तोष सिंह राठोरको सरुवा भएको छ । नेपालगन्जमा भएको द्वन्द्व ब्यवस्थापन गर्न नसकेको भन्दै प्रजिअ आचार्य र एसपी राठौरलाई कार्यअवधि नपुग्दै गृहले मन्त्रालयमा तानिएको हो ।

दुई पक्ष वीच भएको द्वन्द्व ब्यवस्थापन गर्न नसक्दा नेपालगन्जमा झडपको स्थिति आएको र कर्फ्यू लगाउनु पर्ने अवस्था सिर्जना भएको भन्दै प्रजिअ आचार्यको सर्वत्र आलोचना भएको थियो । सामाजिक सद्भाव भड्किने गतिविधि हुँदा पनि उनले नियन्त्रण गर्न नसकेको आरोप उनलाई लागेको छ ।

बाँकेमा श्रवणकुमार पोखरेललाई प्रमुख जिल्ला अधिकारीको जिम्मेवारी दिइएको छ । उनलाई इलामबाट बाँके पठाइएको हो । जिल्ला प्रहरी कार्यालय बाँकेमा सुवासचन्द्र बोहरालाई पठाइएको छ ।