बाँके पुस १ गते ।
दुई बर्ष अघि जुत्ता चप्पल बनाउने तालिमको प्रशिक्षार्थी रहेकी कोहलपुर २ बिकास नगरकी गीता बि क अहिले असल प्रशिक्षक मात्र हैन असल उद्यमी पनि बन्नुभएको छ ।
गिताले कोहलपुर नगरपालिकाबाट गरिबिनिवारणका लागि लघुउद्यम कार्यक्रम अन्तर्गत २५ दिने जुत्ता चप्पल बनाउने तालिम लिनुभएको थियो। त्यहि तालिमले नै उहाँलाई केही गर्ने आट र साहस दियो त्यहि साहस र काम प्रतिको लगनशिलताले उहाँ अहिले सफल उद्यमी बन्नु भएको छ।
१२ कक्षा पास गर्नुभएकि गिता लाई कोहलपुर नगरपालिकाले तालिम पश्चात् केही कच्चापदार्थ र एक थान मेसिन मात्र दिएको थियो । थोरेै आफ्नो लगानी गरेर उहाँले काम लाई निरन्तरता दिदै आइरहनु भएको छ।आफ्नो सिपलाई निरन्तरता दिदै गर्दै अहिले आफ्नै घरमा जुत्ता चप्पलको उद्योग संचालन गर्न सफल हुनुभएको छ। उहाँसंग अहिले एक जना मात्र सहयोगी रहेको बताउदै आफु र सहयोगीको भरमा मात्रपनि मासिक ३० देखि ४० हजार आम्दानी गरेको बताउनुहुन्छ।त्यहि आम्दानीको भरमा उहाँले उद्योगको सामाग्री खरिदमा सात लाख र ढुुवानीको लागि गाडि खरिदमा ११ लाख गरि १८ लाख लगानी गरि उद्योग लाई ब्यवस्थित रुपले संचालन गरेको बताउनुहुन्छ।
गीताले उत्पादन गरेका जुत्ता चप्पल कोहलपुर र सुर्खेत पठाउने गरेको जानकरी दिनुभयो । उहाँ अहिले उद्यमी मात्र नभई प्रशिक्षकको रुपमा पनि परिचित हुनुहुन्छ।
आफुले सिप सिकेपछि र सिकाउन सक्ने भएपछि बाँकेको जानकी र खजुरा गाऊँपालिकामा यसै बिषयमा तालिमको प्रशिक्षकको जिम्मेवारीमा रही काम गरिरहेको बताउनु हुन्छ। प्रशिक्षण बाट उहाँले दैनिक ३ हजार पारिश्रमिक पाउने गरेको बताउनुभयो । कुनै संघसस्था र गाउँपालिकाले जुत्ताचप्पल बनाउने तालिम राख्यो भने बोलाउनु हुन्छ र आफ्नो समयलाई व्यवस्थापन गरेर प्रशिक्षकको रुपमा जाने गरेको उहाँ बताउनुहुन्छ। बाँकि समय आफ्नो व्यवसायमा व्यस्त रहने गिताले अब थप लगानी गरेर २ जना कालिगढ राखी उद्योगलाई थप परिस्कृत गर्ने योजना रहेको बताउनुभयो ।
काम प्रतिको बिश्वास लगनशिलता र निरन्तरता भएमा नेपालमै बसेर पनि केहि गर्ने प्रशस्त आधार भएको गिताको बुझाई छ । आज उहाँले आफुलाइ तालिम दिने निकाय कोहलपुर नगरपालिकाका सम्बन्धित शाखाका प्रमुखहरुको उपस्थितिमा आफ्नो गीतान्जली लघु उद्यम ब्यवसायको उद्घघाटन गर्नुभएको छ ।
नगरपालिकाले गरेको सानो सहयोग र मेरो लगनशीलताले म स्वरोजगार र आत्मनिर्भर भएकी हु भन्दै नगरपालिका नै मेरो प्रेरणाको स्रोत हो त्यसैले नगरपालिकाका सर मेडमहरुलाई बोलाएकी हुँ भन्दै गिताले खुुसी व्यक्त गर्नुभयो ।
उद्घाटन कार्यक्रममा अतिथिका रुपमा कोहलपुर नगरपालिका सामाजिक बिकास समिति संयोजक ईश्वरी प्रसाद बि क, सामाजिक बिकास शाखा अधिकृत वीर बहादुर बि क, कोहलपुर नगरपालिका वडा नम्बर २ का वडा अध्यक्ष हरि कठायत, कोहलपुर नगरपालिकाकै बरिस्ठ उद्यम बिकास सहजकर्ता तेज कुमार बि सि ,सहजकर्ता दिलसरा घर्ती लगायतको उपस्थिति रहेको थियो । गीताले गरेको नमुनायोग्य कामको सिकाई अरुले पनि गर्नुपर्ने अतिथिहरुको धाारणा थियो ।
Discussion about this post