बाँके चैत २ गते ।
नेपालगञ्ज उपमहानगरपालिका–५ ले वडाभित्रका ५० जना जेष्ठ नागरिकलाई सम्मान कार्यक्रम अन्तर्गत बिजुलीबाट पानी तताउने भाँडा इलेक्ट्रिक जग र लेडिज सुट न्यानो सल प्रदान गरेको छ ।
बिहीबार नेपालगञ्ज उपमहानगरपालिका–५ का वडा अध्यक्ष शराफत हुसेन शेषले ५० जना जेष्ठ नागरिक महिलालाई १ जोडि सुटको कपडा, १ पिस न्यानो सल १ पिस इलेक्ट्रिक जग वितरण गरिएको जानकारी दिए ।
जेष्ठ नागरिक लक्षित वडा कार्यालयको १ लाखको बजेटबाट एक कार्यक्रमको आयोजना गरी ६७ वर्ष माथिका जेष्ठ नागरिक महिलालाई इलेक्ट्रिक जग र सुट सल प्रदान गरिएको हो ।
वडा कार्यालयले १ लाख रुपैयाँ बजेट विनियोजन गरेर जेष्ठ नागरिकलाई इलेक्ट्रिक जग र सुट, न्यानो सल वितरण गरिएको जनाएको छ । अनुभव, सीप, ज्ञान र क्षमताको अर्को नाम जेष्ठ नागरिक भएकाले समाजका गहना जेष्ठ नागरिकलाई सम्मान गरिएको अध्यक्ष शराफत हुसेन शेषले बताउनुभयो । उहाँले जेष्ठ नागरिकको सवालमा वडा कार्यालय गम्भीर रहेको बताउनुभयो ।
Discussion about this post