७ ग्राम ब्राउन सुगरसहित जमुनाहबाट एकजना पक्राउ

सम्बन्धित समाचार

बाँके चैत २८ गते ।
नेपालगन्जको जमुनाहबाट प्रहरीले लागु औषधसहित एक जनालाई पक्राउ गरेको छ । खजुरा गाउँपालिका वडा नं.६ सिमलघारीका २० वर्षीय मनोज चदारालाई जमुनाह प्रहरीका इन्चार्ज सई रविन्द्र बमको कमाण्डमा खटिएको टोलिले ७ ग्राम ब्राउन सुगरसहित पक्राउ गरेको हो ।

भे १० प ७२३३ नम्वरको मोटरसाइकलमा भारतको रुपैडियाबाट आउँदै गरेका चदारा सई बमको कमाण्डमा खटिएको टोलिको चेकजाँचमा परेका थिए ।

पक्राउ परेका चदारामाथि थप अनुसन्धान भइरहेको बाँके प्रहरी प्रवक्ता डिएसपी नारायण डाँगीले बताए । बाँके लागु औषधको कारोवार तथा प्रयोगकर्ताका लागि ट्रान्जिट प्वान्टको रुपमा विकास भइरहेको छ । भारतसँगको खुला सीमाका कारण सहज आउजाउ हुँदा लागु औषधको कारोवार बढीरहेको छ । लागु औषध कारोवार नियन्त्रण र रोकथामका लागि सई बमको नेतृत्वमा कडाइका साथ चेकजाँच भइरहेको छ ।