सशस्त्र प्रहरीको मिलोमतोमा भित्रिएको अबैध सामान जमुनाह प्रहरीद्वारा बरामद

बाँके बैशाख १० गते ।
नेपालगन्ज नाकामा सशस्त्र प्रहरी र नेपाल प्रहरी चेकजाँचमा खटिन्छन् । भारतबाट आउनेहरुको सामान चेकजाँच गर्न पश्चिमतर्फ सशस्त्र प्रहरी र नेपाल प्रहरीले ड्यूटी गर्छन् ।

रुपइडिहातर्फ जाने यात्रुको जाँच नेपाल प्रहरीले गर्दै आएको छ । रुपइडिहाबाट आउने सर्वसाधारण पूर्वतर्फबाट आउने कुरै आउँदैन, तर सशस्त्र प्रहरीले नेपाल प्रहरीलाई बाईबास गरि नेपाल प्रहरीको कार्यालय भएकोतिर पनि एक जना जवानलाई चेकजाँचका लागि खटाउन थालेको छ ।

नेपाल प्रहरीको विश्वास नमानेर सशस्त्र प्रहरीले नियम विपरित सुरक्षाकर्मी खटाए पनि ड्यूटीमा खटिने प्रहरीले तस्करबाट लाइन लिएर रकम असुल्दै आएको विभिन्न घटनाक्रमले पुष्टि गरेको छ । डिएसपी अस्मिन थापाको नेतृत्वमा भन्सार कार्यालयमा रहेको सशस्त्र प्रहरीको विओपी छ । यहि विओपीका सशस्त्र प्रहरी नाकामा खटिदै आएका छन् ।

तर, यहि बाटो भएर तस्करले ल्याएको अवैध सामान इलाका प्रहरी कार्यालय जमुनाहले सोमवार बरामद गरेको छ ।