बाँके जेठ १८ गते ।
बाँके राष्ट्रिय निकुञ्जका जनावर र भारतको सुहेलवा आरक्षका विभिन्न प्रजातिका जनावरको सहज र सरल ओहोरदोहोरका लागि निर्माण गरिएको कम्दी जैविक मार्गको विकास र संरक्षण गर्न सामुदायिक वन पुनस्स्थापना कार्यक्रम सुरु गरिएको छ ।
तराई भू–परिधि कार्यक्रम तालको सहयोगमा कम्दी जैविक मार्गमा पर्ने राप्तीसोनारी ६ को राप्तीपीडित तथा गुलरी सामुदायिक वनमा सामुदायिक वन पुनस्र्थापना कार्यक्रम अन्तर्गत जावरको सहज ओहोरदोहोरका लागि तारबार गरिएको छ । तराई भू–परिधि कार्यक्रमको पाँच लाख १० हजार तथा स्थानीय योगदान एक लाख ३२ हजार ९५० गरि जम्मा छ लाख ४२ हजार ९५० रुपियाँँको लागतमा एक हजार ४५० मिटर क्षेत्रमा तारबार गरिएको छ ।
डिभिजन वन कार्यालय बाँके, सामुदायिक वन तथा वातावरण संरक्षण समन्वय समिति कम्दीको सहयोग समेतमा तारबार गरिएको तराई भू–परिधि कार्यक्रमका फिल्ड सुपरभाइजर तिलक चौधरीले बताउनुभयो ।
Discussion about this post