लागूऔषध ब्राउनसुगरसहित नेपालगन्जबाट एक जना पक्राउ

बाँके भदौ ९ गते ।
बाँके प्रहरीले प्रतिन्धित लागूऔषध ब्राउनसुगरसहित नेपालगन्जबाट एक जनालाई पक्राउ गरेको छ ।

नेपालगन्ज उपमहानगरपालिका–४ सेतु विक चोकबाट प्रतिन्धित लागूऔषध ब्राउनसुगर जस्तो देखिने पदार्थ ८ ग्राम सहित सोही उपमहानगरपालिका–५ बस्ने ३९ वर्षीय सजाद अहमद सिद्धिकीलाई आइतबार दिउँसोे पक्राउ गरिएको प्रहरीले जनाएको छ ।

जिल्ला प्रहरी कार्यालय बाँके र लागूऔषध नियन्त्रण ब्यूरो नेपालगन्जबाट खटिएको संयुक्त प्रहरी टोलीले भे.११ प २७९१ नम्बरको स्कुटरलाई गोप्य सुचनाको आधारमा चेकजाँच गर्दा स्कुटरको एयर फिल्टरमा लुकाई छिपाई राखिएको अवस्थामा उक्त पदार्थसहित सिद्धिकीलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको प्रहरी प्रधान कार्यालयले जनाएको छ ।