जानकारी विना शक्तिकेन्द्रलाई भेटे प्रहरीलाई कारबाही

काठमाडौं भदौ २४ गते ।
जानकारी विनै शक्तिकेन्द्रलाई भेटघाट गरेको पाइएमा प्रहरी अधिकारीहरुलाई कारबाही गर्ने तयारी हेडक्वाटरले गरेको छ ।

प्रहरी प्रधान कार्यालयले एक परिपत्र गर्दै विना जानकारी राजनैतिक नेताहरु तथा विभिन्न शक्तिकेन्द्रहरुलाई भेटघाट नगर्न निर्देशन दिएको छ ।

यसरी संगठनलाई जानकारी नै नदिई भेटघाट गरेको पाइएमा कारबाहीसम्म गरिने चेतावनी हेडक्वाटरले दिएको छ ।

विभिन्न सरुवा–बढुवाका शक्तिकेन्द्र धाउने र अनावश्यक चलखेल गर्ने गरेको भन्दै हेडक्वाटरले यस्तो निर्देशन दिइएको एक उच्च अधिकारीले बताए ।

यसअघि सशस्त्र प्रहरी हेडक्वाटरले पनि विना जानकारी शक्तिकेन्द्रलाई भेटे कारबाही हुने भन्दै परिपत्र गरेको थियो । अनलाइन खबर

ADVERTISEMENT