ब्राउन सुगरसहित जमुनाहमा दुईजना पक्राउ

सम्बन्धित समाचार

बाँके भदौ २६ गते ।
अवैध लागूऔषध ब्राउनसुगरसहित जमुनाहनाकाबाट २ जना पक्राउ परेका छन् । नेपालगंज उपमहानगरपालिका–१५ जमुनाहबाट अवैध लागूऔषध ब्राउनसुगर जस्तो देखिने पदार्थ ३ ग्राम ५ सय मिलिग्राम सहित २ जनालाई मंगलबार दिउँसो प्रहरीले पक्राउ गरेको छ ।

प्रहरीका अनुसार पक्राउ पर्नेहरूमा दाङ दंगीशरण गाउँपालिका बस्ने ३२ वर्षीय बिक्रम परियार र तुल्सीपुर उपमहानगरपालिका–२ बस्ने ३० वर्षीय दिपक गिरी रहेका छन् । उनीहरु भारतबाट नेपाल आउँदै थिए । शंकास्पद गतिविधि देखिएपछि जमुनाह चेक पोष्टको टोलीले चेकजाँच गर्नेक्रममा उनीहरुबाट लागु औषध फेला परेको प्रहरीले जनाएको छ ।

इलाका प्रहरी कार्यालय जमुनाह र लागूऔषध नियन्त्रण ब्यूरो नेपालगंजबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । उनीहरुमाथि थप अनुसन्धान भइरहेको प्रहरीले जनाएको छ ।