रजनी योगी
बाँके असार १५, गते ।
आज १६ औं धान दिवस विभिन्न ठाँउमा धान रोपेर मनाएको छ। असार महिनाको सुरुमा धानको बिउ राख्ने र असार १५ गते देखी धान रोप्न सुरु गरिन्छ। धान दिवसकै अवसर्मा नेपालगन्ज उपाहानगरपालिका वडा नं १२ मा १६ औं राष्ट्रिय धान दिवस–२०७६ मनाईएको छ ।
वडा नं १२ बेलासपुर स्थित खेतमा धान रोपेर विश्व धान दिवस मनाईएको हो । अवध कृषि सहकारी संस्था तथा बेलासपुर करमोहना स्मार्ट कृषि गाउँ कार्यान्वयन समितीद्धारा आयोजित कार्यक्रममा विहान र्याली निकालिएको थियो । वडा नं परिक्रमा गरि र्याली कार्यक्रम स्थलमा पुगेको थियो । कार्यक्रममा सांस्कृतिक कार्यक्रम, महिता तथा पुरुष दौड प्रतियोगिता समेत रहेको थियो ।
धान रोप्न तथार पारिएको हिलाम्मे खेतमा दौड प्रतियोगिता गराईएको थियो । कार्यक्रममा बोल्दै प्रमुख अतिथी वडा नं १२ का वडा अध्यक्ष बुद्धिसागर सुवेदीले अब बेलासपुरको स्मार्ट कृषि गाउँलाई एउटा नमुनाको रुपमा राष्ट्रभरी चिनाउने छौं भन्नुभयो । पहिले कृषिका रुपमा धान र मकै मात्र लगाउथ्यौं र त्यसैबाट आएको २⁄४ पैसाले घर खर्च चलाउथ्यौं, तर अहिले ती दिन फेरीएका छन् भन्नुभयो । कार्यक्रममा वडा नं १२ बासिन्दा किसान तथा आसंचार माध्यमका प्रतिनिधिको उपस्थित रहेको थियो ।
Discussion about this post