बाँके चैत ११ गते ।
जिल्ला ट्राफिक प्रहरी कार्यालय बाँकेले वास्तविक बनावटलाई परिवर्तन गरी मोटरसाइकल चलाउनेलाई नियन्त्रणमा लिएर कारवाही गर्ने अभियान थालेको छ । मोटरसाइकलको वास्तविक साइलेन्सर परिवर्तन गरेर ठूलो आवाजमा मोटरसाइकल चलाउँदा धोनी प्रदुषण भएको गुनासो आएपछि त्यस्ता मोटरसाइकललाई नियन्त्रणमा लिएर कारवाही प्रक्रिया थालिएको बाँके ट्राफिक प्रहरी प्रमुख प्रहरी निरीक्षक पुस्कर राज पन्तले बताए ।
उनले अहिलेसम्म ठूलो आवाज निकाल्ने ३२ वटा मोटरसाइकलको साइलेन्सर निकालेर कारवाही गरिएको बताए । ’मोटरसाइकलको वास्तविक साइलेन्सरलाई परिवर्तन गरेर सहर नै थर्काउने गरि चलाउने, आतंक मच्चाउने, त्रसित बनाउने र ध्वनी प्रदुषण गरेको जनगुनासो आएपछि ट्राफिक प्रहरीले नियन्त्रणमा लिने अभियान थालेको छ,’ उनले भने ।
उनले बनावट परिवर्तन गरेका मोटरसाइकललाई समेत नियन्त्रणमा लिइएको जानकारी दिए । ’मोटरसाइकलको वास्तविक रंगलाई तोडमरोड गरेर अनौठो खालको बनाएका मोटरसाइकललाई समेत नियन्त्रणमा लिएका छौ,’ उनले भने, ’आतंक मच्चाउने कोहि पनि उन्मुक्ति पाउने छैन ।’
ट्राफिक व्यवस्थापनका लागि बाँके ट्राफिक प्रहरी तदारुकताका साथ लागेको उनको भनाइ छ । ’ट्राफिक व्यवस्थापन गरि दुर्घटना न्युनीकरण गर्ने हाम्रो अभियान हो,’ उनले भने ।
Discussion about this post