बाँके चैत २० गते ।
लागु औषध ब्राउन सुगरसहित बाँके प्रहरीले दुई जनालाई पक्राउ गरेको छ । पक्राउ पर्नेमा नेपालगन्ज उपमहानगरपालिका वडा नं.१ विशालनगर निवासी २९ वर्षीय सतिस कुमार सोनी र २६ वर्षीय आकाश बढई रहेका छन् ।
प्रहरीले उनीहरुलाई भे ८ प ८७८ नम्वरको मोटरसाइकल सहित पक्राउ गरेको हो । उनीहरुको साथबाट ५ ग्राम ७९० मिलिग्राम ब्राउन सुगर बरामद भएको प्रहरीले जनाएको छ ।
लागु औषधको कारोवार भइरहेको भन्ने गोप्य सूचनाको आधारमा जिल्ला प्रहरी कार्यालय र लागु औषध नियन्त्रण व्यूरोको संयुक्त टोलीले बढईले लगाएको पाइन्टको दायाँ खल्तीबाट ब्राउन सुगर फेला परेको प्रहरीले जनाएको छ ।
उनीहरुलाई जिल्ला प्रहरी कार्यालयको हिरासतमा राखेर थप अनुसन्धान सुरु गरिएको पनि प्रहरीले जनाएको छ।
Discussion about this post