खोजखबर संवाददाता बाँके पुस १४ गते ।
नेपालगन्जको एक होटलमा सोमवार राती आगलागी भएको छ । नेपालगन्ज उपमहानगरपालिका वडा नं. १ स्थित चौधरी नास्ता पसलमा राती आगलागी भएको हो ।
आगलागी हुँदा पुर्णरुपमा नास्तपसल जलेको प्रत्यक्षदर्शीको भनाई छ । राती ९ बजेको समय होटल बन्द गरेर नेपालगन्जको बेलासपुरमा भाईको जन्मदिन मनाउन गएका बेला एक्कासी आगलागी भएको खवर पाएको पसलका संचालक राजकुमार चौधरीले भन्नुभयो ।
केही समय मात्र पसल बन्द गरेर जन्मदिन मनाउन गएका थियो एकछिनमै आगलागी भएको खवर आयो उहाँले भन्नुभयो । पसल बन्द गर्दा सवै सामान बत्ति र आगो समेत निभाएर गएका थियो खै कसरी आगलागी भयो मलाई नै थाहा भएन उहाँले भन्नुभयो ।
आगलागी हुने वित्तिकै नेपालगन्ज उपमहानगरपालिकाको दमकल र प्रहरीलाई खवर गरे पनि समयमा नआउदा क्षति बढि भएको स्थानिय प्रत्यक्षदर्शीको भनाई छ । पसलमा भएको लुगा, कपडा, गरगहना, फ्रिज, ल्यापटप, टिभी, दराज, पलङग, बाकस, रुपैया, बच्चाहरुको स्कूल ड्रेस, किताव, टेक्वाण्डोका प्रमाणपत्र र ड्रेस लगायत होटलमा भएको सम्पुर्ण सामान पुर्णरुपले नष्ट भएको होटलका संचालक राजकुमारले भन्नुभयो । करिव ५ लाख बराबरको क्षति भएको हुन सक्ने अनुमान गरिएको छ । होटलमा आगलागी हुँदा स्थानियबासी, प्रहरी, दमकल लगायतले सहयोग गरेका थिए ।
Discussion about this post