कोहलपुर, पुस १९ गते ।
शनिबार आगामी पुष २४ गते बाट माघ ५ गते सम्म कोहलपुरमा हुन लागेको तेस्रो प्रादेर्शिक औद्योगिक लघु घरेलु कृषि तथा प्रविधि प्रदर्शनी व्यपार एवम पर्यटन महोत्सवको यस बर्ष थारु गाउँ प्रदर्शनीमा बाँकेका होमस्टेहरुले सहकार्य गर्ने भएका छन् ।
सरकारले थालेको भ्रमण बर्ष २०२० लाई सफल पार्नका लागि टेवा पुग्ने उद्देश्यले थारु गाउँ प्रदर्शनी कोहलपुर व्यापार मेलासंग बाँकेका होमस्टे व्यवसायीहरुले सहकार्य गर्न लागेका हुन ।
पछिल्लो समय बाँकेका गभार होमस्टेहरु फस्टाउदै गएको बेला कोहलपुरमा लाग्न लागेको थारु गाउँ मेला संग मिनी नमुना थारु गाउँ गाभरका होमस्टे संचालकहरुले सहकार्य गर्ने भएका हुन् ।
मिनी नमुना थारु गाउँ होमस्टे संचालकका अगुवा बाबुराम चौधरीले पर्यटन पर्वद्धन, व्यापार व्यवसाय बृद्धि, कला संस्कृतिको जगेर्ना संगै बाँके राष्ट्यि निकुन्जको बारेमा मेलामा आउने सबैलाई जानकारी गराउनका लागि मेला संग सहकार्य गरेको जनाए ।
उनले सबैलाई एक पटक गाभरमा आउनका लागि निम्तो समेत गरेका छन् । मिनि गाउँका डेनियल होमस्टे, न्यु दंगाली होमस्टे, दंगाली होमस्टे र नमुना थारु होमस्टेले सहकार्य गर्ने भएका हुन ।
थारु जातीको नयाँ बर्षको रुपमा लिइने माघी पर्वको अवसरमा राख्न लागिएको महोत्सव भित्र हुने थारु गाउँ प्रदर्शनीमा करिव ५० हजार दर्शकहरुले अवलोकन गर्ने गरिएको छ ।
थारुगाउँ प्रदर्शनीका संयोजक हेमन्त चौधरीले आदिवासी थारु समुदायको इतिहास, कला संस्कृति र पहिचान झल्कने पुरातात्वीक बस्तुहरु महोत्सवमा थारु गाउँ प्रदर्शनी राख्न लागिएको जनाए ।
संयोजक चौधरीले थारु गाउँ प्रदर्शनीमा हामीले लोभ हुँदै गएको थारुजातीको पुरातात्विक पहिचान बोकेको, लडिया, कोल, चकिया, ढेकी, ढकिया, देलवा, हेल्का, टापी, देलिया, धरिया, हर, जुवा, गैजा, छिट्वा, छिट्नी, अटुवा, डोली, चन्दोल, मन्दरा, कस्तारा, मजिरा, पौवा, भौका, थारु गर गहना, लगायत प्रदर्शनीमा राखिने उल्लेख गरे ।
थारु गाउँ प्रदर्शनीमा थारु परिकार घोगंघी, सिन्की, ढिकरी, गंगटा, मुसाको चटनी, लोकल भाले, लगायत परिकार सहितको १५ वटा स्टल राखिने
छ , भने चर्चित थारु कलाकारहरुको बेजोड प्रस्तुती समेत रहने छ ।
Discussion about this post