बाँके माघ २६ गते । बाँके जिल्ला प्रहरी कार्यालय ले लागुऔषध कारोवारमा कडाई गरे संगै दैनिक जसो लागुऔषध कारोबारीहरु लाई पक्राउ गरेको छ । नेपालगन्ज उपमहानगरपालिका घरबारीटोल २ बस्ने नरेन्द्र रानामगरलाई लागू औषधि सहित प्रहरीले पक्राउ गरेको छ । आइतबार भारतको रुपैडिहाबाट जमुनाहा नाका हुँदै आउँदै गरेका रानामगरलाई जमुनाहा नाकामा प्रहरी ले चेकजाँच गर्दा पक्राउ गरेको हो ।
लागुऔषध ब्यूरो र जमुनाहा प्रहरीले लागूऔषध सेवन गर्दा इन्जेक्सनमा प्रयोग हुने एम्पुल ९५ पिस बाइनोरफिन १०० र एभिगन १०० पिस सहित पक्राउ गरेको प्रहरी ले जनाएको छ । कानुन बमोजिमको कारबाहीको लागि रानामगर लाई जिल्ला प्रहरी कार्यलय बाँके पठाइएको इलाका प्रहरी कार्यालयका प्रमुख प्रहरी निरीक्षक माधब प्रसाद रिजाल ले बताए । भारत बाट लागू औषध ल्याउने ब्यक्ती दिन प्रती दिन प्रहरी को फन्दामा पर्ने क्रम जारी छ ।
Discussion about this post