बाँके फागुन ६ गते । आउदो चैत्र महिनामा नेपाल प्रेस युनियको केन्द्रीय महाधिवेशनको तयारीका लागि आज नेपालगञ्जमा सचिवालयको स्थापना गरिएको छ । युनियनको चैत्र महिनामा हुने ९ औं महाधिवेशनलाई लक्षित गर्दै नेपालगञ्जको सुर्खेतरोडस्थित वेष्टर्न विजनेस कम्पलेक्समा मंगलबार युनियका अध्यक्ष बद्रि सिग्देलको उपस्थितिमा सचिवालयको स्थापना गरिएको हो । उक्त कार्यक्रममा बोल्दै अध्यक्ष सिग्देलले सरकारले प्रेस स्वतन्त्रतालाई मजबुत बनाउनुपर्ने बताए । जिल्लास्तरबाट महाधिवेशनका लागि तयारी तिब्र रुपमा अगाडि बढेको र आजै महाधिवेशनका लागि कमिटी समेत गठन गरिएको प्रेस युनियनका उपमहासचिव प्रेम केसीले जानकारी दिए । महाधिवेशन आउदो चैत्र महिनाको २१ र २२ गते नेपालगञ्जमा आयोजना हुने समेत जनाएका छन ।
ADVERTISEMENT
Discussion about this post