खोजखबर संवाददाता
बाँके,असार ३० गते । बाँकेको धनौलीवाट प्रहरी हिरासतमा रहेका तीन जना थुनुवा फरार भएका छन् । ईलाका प्रहरी कार्यालय धनौलीको हिरासतमा रहेका खजुरा ४ का १८ बर्षिय सिमन बि.क, खजुरा ३ का १९ बर्षिय निर्मल थापा र उज्वल कार्की शनिवार राती १२ बजे फरार भएका हुन ।
जिल्ला प्रहरी कार्यालय बाँकेका अनुसार ईलाका प्रहरी कार्यालय धनौलीको हिरासतमा चारजना थुनुवा रहेपनी तिनजना शौचालयको भेन्टिलेटरको ग्रिल तोडेर भागेका हुन । ‘चार जना मध्य कतब्य ज्यान मुद्धाका आरोपी त्यही छन’ जिल्ला प्रहरी कार्यालयका प्रहरी उपरीक्षक (एसपी) बिर बहादुर ओलीले भने ‘घटना लगत्तै म आफै त्यहाँ पुगेर हेर्दा भेन्टिलेटरको ग्रिल भित्रपट्टी कपडाले छोपेर राखेको अवस्थामा भेटीयो ।’ राम्रोसंग फिक्स नभएको शौचालयको ग्रिल तानेर उनीहरु भागेको उनको दावि छ ।
फरार भएकाहरु मध्ये बि.क लागुऔषध मुद्धामा असार २७ गते पक्राउ परेका थिए भने थापा र कार्की असार २३ गते सार्वजनिक मुद्धामा पक्राउ परी म्याद थप भएर अनुसन्धानका लागि हिरासतमा राखीएको बताईएको छ ।
Discussion about this post