बैतडी फागुन २१ गते । महाकाली राजमार्ग अन्तर्गत बैतडीको दोगडाकेदार गाउँपालिका ५ न्वालीमा बुधवार बिहान बस दुर्घटना हुँदा ५ जना घाइते भएका छन् । घाइते हुनेहरुमा बैतडी सुर्नयाका २२ बर्षीया बिनिता कुँवर (टेर), दार्चुला ब्यासका ३३ बर्षीया बिन्दु कुँवर,५५ बर्षीया गोबिन्दी कँुवर, दार्चुला दुहुका ३० बर्षीय ललित बोहरा र २४ बर्षीय महेश बडाल रहेका छन् । घाइतेहरुले बैतडी र दार्चुलाका विभिन्न अस्पतालमा उपचारका लागि पठाइएको बैतडीका प्रहरी प्रमुख, प्रहरी नायव उपरिक्षक डिल्लीनारायण पाण्डेयले जानकारी दिनभयो । घाइतेको प्रहरीचौकी खोचलेकका प्रहरी सहायक निरिक्षक शंकर दत्त भट्टको टोलीले उद्धार गरेको हो । बसमा सवार ४० जना रहेको भएपनि अन्यको अवस्थामा सामान्य रहेको छ । महेन्द्रनगरदेखि गन्ना जादैं गरेको पवनदुत यातायातको ना.५ख. ५१४१ नम्बरको बस न्वालीमा बुधवार बिहान ५ बजेतिर एक्कासी नालीमा पल्टिन गई दुर्घटनामा परेको हो । बस चालक दिपक बोहरा प्रहरी नियन्त्रणमा रहेका छन् । ओरालो बाटोमा गति अनियन्त्रित हुँदा बस दुर्घटनामा परेको चालकले प्रहरीसमक्ष बताएका छन् ।
Discussion about this post