बाँके फागन २४ गते ।
नेपालगन्ज उपमहानगरपालिका वडा न. ६ मा आज नेकपाका पदाधिकारीहरुले सपथ ग्रहण गरेका छन् । हतिया बाबाको मन्दीरमा एक कार्यक्रमको आयोजना गरेर हिरा बहादुर बुढाको नेतृत्वमा ३५ सदस्यले सपथ खाएका हुन । नेकपा बाँकेका कार्यालय सदस्य तथा नेपालगन्ज उपमहानगरपालिकाका अध्यक्ष डिल्ली बराल (अमिर ) केसीले सपथ खुवाएका हुन् ।
सपथ ग्रहण कार्यक्रममा बोल्दै नगर अध्यक्ष केसीले समायोजन पछि तल्लो तह सम्म मनको एकता पनि हुनुपर्ने उल्लेख गरे । पार्टीको निती सिद्धान्त लाई आत्मसाथ गर्दे जनताको हितमा कार्य गर्न कार्यकर्ताहरुलाई निर्देशन दिएका छन् । कार्यक्रममा नगरका सचिव दक्ट प्रसाद आचार्यले नयाँ नेतृत्वलाई बधाई दिदै सबैलाई पार्टीको र जनताको वफादार भएर हिड्न सुझाव दिएका थिए ।
नेकपा पार्टीका जिल्ला सदस्य तथा उक्त वडाका इन्चार्ज बसन्त मल्लले आन्तरिक विवादलाई अन्त्य गर्दै सबै मिलेर अगाडी बढ्नुपर्ने उल्लेख गरे । कार्यक्रममा रतन शाही, प्रेम शाह, समिर प्रताप सिंह लगायतका नेताहरुले शुभकामना मन्तब्य दिएका थिए ।
Discussion about this post