बर्दिया चैत २ गते । बर्दियाको ठाकुरबाबा नगरपालिका ३ मिर्चैयामा २ जना महिला मृत भेटिएका छन् ।
आइतबार बिहान स्थानियले लास देखे पछि प्रहरीलाई खबर गरेका थिए । ठाकुरबाबा नगरपालिका वडा नम्बर ३ मिर्चैयामा रहेको सिचाइका लागि बनाइएको नहरमा डुबिरहेको अवस्थामा शव भेटिएको इलाका प्रहरी कार्यालय बगनाहा भुरिगाउँले जनाएको छ ।
प्रहरीका अनुसार ठाकुरबाबा नगरपालिका वडा नम्बर ५ गोविन्दपुर बस्ने अन्दाजी ७० वर्षिय मिश्री थारु र उहाँकी अन्दाजी ४६ वर्षिय बुहारी फुलरानी थारुको शव फेला परेको हो । शनिबार मिर्चैयामा रहेको आफन्तको घरबाट आफ्नो घर फर्किने क्रममा असिनासगै परेको चट्यान लागेर मृत्यु भएको हुन सक्ने प्रहरीले प्रारम्भिक अनुमान गरेको छ ।
शव पोष्टमाटमका लागि गुलरिया पठाइएको र थप अनुसन्धान भैरहेको इलाका प्रहरी कार्यालय बगनाहा भुरिगाउँका प्रहरी निरिक्षक बसन्त पाण्डेले जानकारी दिएका छन् ।
Discussion about this post