बाँके चैत ८ गते । कोहलपुर नगरपालिका वडानं. ८ पिपिरीमा आगलागी भएको छ । स्थानीय मानबहादुर पाण्डेको घरमा आगोलागी हुँदा पशुपति लम्सालको फेन्सी पसलमा समेत नोक्सानी भएको छ ।ईलाका प्रहरी कार्यालय कोहलपुरका ईन्चार्ज प्रहरी नायव उपरीक्षक कुलदीप चन्दले दिएको जानकारी अनुसार आज साँझ करिव सवा ७ बजे लागेको आगोबाट शुभकामना फेन्सी हाउसमा क्षती पुगेको छ ।आगलागीबाट एक जना गम्भीर घाइते भएको खुल्न आएको छ । घाइतेलाई उपचारका लागि नेपालगन्ज शिक्षण अस्पताल कोहलपुर पुर्याइएको छ । आगलागीको कारण भने अहिलेसम्म खुल्न सकेको छैन ।स्थानीय प्रहरी नेपालगञ्जबाट गएको दमकल र स्थानीयको पहलमा आगो नियन्त्रणमा आइसकेको प्रहरी नायव उपरीक्षक चन्दले बताए ।
ADVERTISEMENT
Discussion about this post