चितवन चैत १८ गते । चितवनको भरतपुर महानगरपालिका वडा नं ४ लंकूमा रहेको सरस फुड इन्डस्ट्रीमा आगोलागी हुँदा करिब डेढ करोड रुपैयाँ बराबरको क्षति भएको छ । द्यिुत सर्ट भएर आगलागी भएको हुन सक्ने प्रहीले प्रारम्भिक अनुमान गरेको छ । प्रत्यक्षदर्शीका अनुसार उद्योगमा बिहान करिब सवा ५ बजे आगलागी सुरु भएको थियो । भरतपुर महानगरपालिकाका दुईवटा, खैरहनी नगरपालिकाको एउटा, कावासोती नगरपालिकाको एउटा, रत्ननगर नगरपालिकाको एउटा र नेपाली सेनाको एउटा दमकलले हाल आगोलाई नियन्त्रणमा लिएका हुन् । आगलागी हुँदा उद्योगमा रहेका कच्चा पदार्थ तथा मेसिन जलेर नष्ट भएको उद्योगका सञ्चालक सुनील अग्रवालले जानकारी दिएका छन् । प्याकेजिङका लागि प्रयोग हुने प्लाष्टिकका प्याकेट भने स्थानीयले उद्योगबाट बाहिर निकालेका थिए । सरस फुड इन्डस्ट्रीले आँटा, फुरनदाना, दालमोठ, लगायतका खाद्यान्न उत्पादन गर्दै आएको थियो ।
Discussion about this post