पोखरा चैत २० गते । लकडाउनकै बेला सडक दुर्घटनामा परी पोखरामा एक जनाको मृत्यु भएको छ । बुधबार राति मोटरसाइकल कुलोमा खस्दा एक युवकको मृत्यु भएको हो । प्रहरीका अनुसार पोखराको चाउथे स्थित खसीबजार चोक नजिकैको सडक छेउको कुलोमा ग ११ प ८२८१ नम्बरको बुलेट बाइकमा सवार एक ब्याक्ति मृत फेला परेका हुन् ।
मृतक लेखनाथ सुन्दरीबजार बस्ने बर्ष ३८ का निम राज पुन रहेको जिल्ला प्रहरी कार्यालय कास्कीका डिएसपी राजकुमार केसीले जानकारी दिनुभयो ।
स्थानीयले उक्त स्थानमा महिलाको चप्पल समेत देखिएको बताएका छन् । उक्त महिला को हुन भन्ने बारे बारे प्रहरीले थप अनुसन्धान गरिरहेको छ ।
ADVERTISEMENT
Discussion about this post