सुर्खेत बैशाख १२ गते । कोरियामा रहेका युवाहरुको सहयोगमा सुर्खेतको घाटगाउँमा आयोडिन नुन वितरण शुरु गरिएको छ । चौकुने गाउँपालिका वडा नं. ९ घाटगाउँका १४ सय घरधुरीलाई एक एक प्याकेट आयोडिन नुन वितरण शुरु गरिएको हो ।
कोरियामा रहेका घाटगाउँका युवा प्रवीण शाही, आशाराम ढुंगाना, प्रशान्त शाही लगायतको सहयोगमा लकडाउनका कारण ढुवानी ठप्प भएपछि गाउँपालिकामार्फत नुन वितरण गरिएको जनाइएको छ । शुक्रबार चौकुने ९ का वडाध्यक्ष नवराज आचार्यले गाउँका सबैलाई वडाकार्यालयमै बोलाएर नुन वितरण गरेका हुन ।
वडा नं. ९ मा शुक्रबारबाटै नुन वितरण शुरु गरिएको र वडा नं. १० मा एक दुई दिनमा शुरु गरिने छ । रोजगारीका क्रममा कोरिया पुगेका १० जना युवाले सहयोग रकम पठाएपछि झण्डै ३० हजार रुपैयाँ बराबरको नुन खरिद गरेर वडामार्फत वितरण गरिएको स्थानीयले बताएका छन ।
ADVERTISEMENT
Discussion about this post