बुटवल जेठ २८ गते ।
भारतबाट मजदुरी गरी घर आउँदै गरेका एक नेपालीको सुनौलीमा मृत्यु भएको छ । भारतको मुम्बाईबाट फर्किएका नेपालीको सुनौलीमा मृत्यु भएको हो ।
नवलपरासी पश्चिमको सुस्ता गाउँपालिका (साविकको कुडिया गाविस– ७) का ३५ वर्षका पुरुषको मृत्यु भएको प्रहरीले जनाएको छ ।
तीन दिनअघि भारतको मुम्बईबाट पाल्पाका तीन जना साथीसहित बसमार्फत आएका उनी मंगलबार राति ४ बजेतिर सुनौली आइपुगेका थिए ।
बेलहिया प्रहरी चौकीका प्रहरी निरीक्षक इश्वरी अधिकारीका अनुसार सुनौली बजारमा बसेका उनले बिहान एक्कासी वान्ता गरेका थिए । वान्ता गरेपछि उनको मृत्यु भएको प्रहरी निरीक्षक अधिकारीले बताए । उनको मृत्युको कारण खुलिनसकेको उनले बताए ।
ADVERTISEMENT
Discussion about this post