ट्रयाक्टर दुर्घटना हुँदा एक जनाको मृत्यु

सम्बन्धित समाचार

फाइल फोटो

जुम्ला असार २ गते ।
जुम्लामा ट्रयाक्टर दुर्घटना हुँदा एक जनाको मृत्यु भएको छ भने दुई जना घाइते भएका छन् । सोमवार राति भे १ त ७३३२ नं.को ट्रयाक्टर दुर्घटना हुँदा पातारासी–४ का ४८ वर्षीय जयबहादुर बुढाको मृत्यु भएको हो ।
जुम्ला सदरमुकाम खलङ्गाबाट पातारासीको लासी बजारसम्म छड र सिमेन्ट लिएर जाँदै गरेको ट्रयाक्टर कोटाभिड नजिकै दुर्घटना भएको जिल्ला प्रहरी कार्यालय जुम्लाले जनाएको छ । ट्रयाक्टरमा चढेका अन्य दुई जना घाइते भएको प्रहरी नायब उपरीक्षक लालबहादुर धामीले जानकारी दिए ।
ट्रयाक्टर सडकबाट झण्डै ५० मिटर तल खसेको छ । घाइते ३६ वर्षीय वीरबहादुर बुढा र ३८ वर्षीय धनसुर बुढाको कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा उपचार भइरहेको छ । ट्रयाक्टर चालक यज्ञराज बोहोरालाई प्रहरीले नियन्त्रणमा लिएको छ ।