बाँके असार १८ गते ।
सरकारले देशभर बालबालिकामा कोरोना संक्रमणको घटना बढ्दै गएको भन्दै विशेष सावधानीका लागि सचेत गराएको छ ।
स्वास्थ्यमन्त्रालयका प्रवक्ता डा. जागेश्वर गौतमले देशभर १४ हजार भन्दा बढी संक्रमितमध्ये २ हजार ६१ जना १८ वर्ष मुनिका बालबालिका रहेको जानकारी दिनुभयो । उहाँले हालैमात्रै सुदूरपश्चिम क्षेत्रका ९ वर्ष मुनिका १७५ बालबालिकामा संक्रमण पुष्टि भएको जानकारी दिनुभयो । त्यसमा १५२ जना अछाम जिल्लाका मात्रै छन् ।
बालबालिकालाई संक्रमणबाट जोगाउने जिम्मेवारी बाबुआमा र अविभावकको भएको भन्दै उहाँले बालबालिकालाई घरमैमा राख्न, भिडभाडमा नलान र बाहिर लैजानुपरे आफू र बालबालिकालाई पनि अनिवार्य मास्कको प्रयोग गर्नसमेत आग्रह गर्नुभयो ।
ADVERTISEMENT
Discussion about this post