खोजखबर संवाददाता
काठमाडौं भदौ ९ गते । दुई वटा विद्यार्थी संगठनको समायोजनबाट वैकल्पिक विद्यार्थी संगठनको रुपमा ‘समाजवादी विद्यार्थी युनियन’ घोषणाा भएको छ । तत्कालिन संघीय समाजवादी फोरम नेपाल र नयाँ शक्ति पार्टी नेपालबीच एकीकरण भई समाजवादी पार्टी बनेपछि विद्यार्थी संगठनको समायोजना आइतबार भएको हो । संघीय समाजवादी फोरम नेपाल निकट विद्यार्थी संगठन समाजवादी विद्यार्थी फोरम र नयाँ शक्ति पार्टी नेपाल निकट नयाँ शक्ति विद्यार्थी युनियनबीच समायोजन भई समाजवादी विद्यार्थी युनियन गठन भएको छ । ललितपुरस्थित किरात याक्थुङ चुम्लुङमा आयोजित समायोजन कार्यक्रममा रुपनारायण श्रेष्ठको अध्यक्षतामा १ सय ५१ सदस्यीय समाजवादी विद्यार्थी युनियनको केन्द्रीय समिति घोषणा भएको छ । पदाधिकारी २९ सदस्यीय चयन गरिएको छ । वरिष्ठ उपाध्यक्षमा रमेश यादव चयन भएका छन् । उपाध्यक्षहरु ९ जना छन् । उपाध्यक्षहरुमा नेत्र चापागाई, सुवास लाबुङ, राजेन्द्र ओली ‘विवेक’, रीता यादव, इश्वर अधिकारी, विशाल आङदेम्बे, टंक धमला, संजय राई र दिपेश यादव चयन भएका छन् । महासचिवमा वरुण यादव चयन भएका छन् । उपमहासचिव ६ जना छन् । उपमहासचिवमा नेम्बार राई, सुस्मा देवकोटा, प्रकाश चाम्लिङ, बलबहादुर रम्तेल, रजनी श्रेष्ठ र दिनेश दंगाल चयन भएका छन् । सचिव १० जना छन् । सचिवहरुमा अमोद यादव, भरत लिसानी, रामचन्द्र राई, रामबहादुर भण्डारी, संजिव गिरी, रेशक सापकोटा, सुवास राई, रमानन्द शाह, मनिष यादव र हेमराज थापा चयन भएका छन् । कोषाध्यक्षमा ओमनारायण महतो चयन भएका छन् । कार्यक्रम समाजवादी पार्टीका संघीय परिषद अध्यक्ष डा. बाबुराम भट्टराई र केन्द्रीय समिति अध्यक्ष उपेन्द्र यादवको प्रमुख आतिथ्यतामा भएको थियो ।
Discussion about this post