महोत्तरी साउन ३ गते ।
महोत्तरीको जलेश्वर कारागारमा एक जना महिला कैदीको मृत्यु भएको छ । सर्लाहीको चक्रघट्टा गाउँपालिका वडा नम्बर ४ की अन्दाजी ३५ वर्षीया महिला रेशा खातुन भन्ने नुर जहाँ खातुन को मृत्यु भएको हो ।
उनको शुक्रबार राति करिब २ बजेतिर मृत्यु भएको जेलर मकसुदन महासेठले जानकारी दिएका छन् । विगत १०-१५ दिनदेखि बिरामी परेकी खातुनको स्वास्थ्य अवस्था गम्भीर भएपछि गत बिहीबार जलेश्वर जिल्ला अस्पताल भर्ना गरिएको थियो।
करिब एक साता अघि देखि उनलाई टाउको दुखेको र औषधी दिएका थिए तर अचानक बिहीबार उनको अवस्था नाजुक भएपछि हामीले उनलाई अस्पताल भर्ना गराएका थियो । उनलाई कर्तव्य ज्यान मुद्दामा गत मंसिर १९ गतेदेखि कारागारमा राखिएको थियो ।
ADVERTISEMENT
Discussion about this post