बाँके भदौ १२ गते ।
नेपालगन्ज १६ परस्पुरका कलिम खाँलाई प्रहरीले पक्राउ गरेको छ । बाँके खजुरा गाउँपालिका ५ का इन्तवार खाँलाई अपहरणगरी आफ्नो जयसपुर स्थित घरमा राखी बन्धक बनाई १० लाख फिरौती मागेको अभियोगमा कलिम प्रहरीको फन्दामा परेका हुन् । अपहरण गर्ने व्यक्ती इन्तवारका आफ्नै भिनाजु हुन् ।
बाँके प्रहरीका अनुसार २७ बर्षीय कलिमलाई थप अनुसन्धानका लागि हिरासतमा राखिएको छ । उनले अपहरण गर्न प्रयोग गरेको भे ४ प २३४४ नम्वरको मोटरसाइकल समेत प्रहरीले बरामद गरेको छ ।
मोहर्रम पर्वमा रमाइलो हेर्न गएका इनतवारलाई कलिमले भदौ ९ गते अपहरण गरेका थिए । कलिमले आफ्नै सालोलाई अपहरण गरि ससुरालिसङ्ग फिरौती मागेको जिल्ला प्रहरी कार्यालय बाँकेका प्रमुख प्रहरी उपरीक्षक ओमवहादुर रानाले जानकारी दिनुभयो ।
ADVERTISEMENT
Discussion about this post