बाँके भदौ १३ गते ।
नेपालगन्जस्थित गणपति डेन्टल क्लिनिक नेपालगन्जले कोरोना संक्रमण रोकथामका लागि स्वास्थ्य तथा जलपान सामाग्री वितरण गरेको छ ।
अनलाईन खोजखवर मिडिया पार्टनर रहेको यो अभियानमा क्लिनिकले शनिवार आफ्नै कार्यालय अगाडी सडकमा हिड्ने सर्वसाधरणलाई मास्क, चाउचाउ तथा पानी वितरण गरेको क्लिनिक संचालक समेत रहेका डा. प्रतिक श्रेष्ठले जानकारी दिनुभयो ।
उहाँका अनुसार, करिव चार सयजनालाई मास्क वितरण गरिएको छ । कोरोन भाइरस महामारीकाबीच फ्रन्टलाइनमा खटिएर जनताको सेवामा अहोरात्र खटिएका सुरक्षाकर्मीलाई थोरै भएपनि राहात पुगोस् भन्ने उद्देश्यले स्वास्थ्य तथा जलपान सामाग्री वितरण गरिएको उहाँको भनाइ छ ।
यसअघि क्लिनिकले जमुनाह नाका देखि धम्वोजीसम्म सडकमा खटिएका नेपाली सेना, सशस्त्र प्रहरी र नेपाल प्रहरीलाई एन ९५ मास्क, सेनिटाइजर, सर्जिकल ग्लव्स, ग्लूकोन डी, विष्कुट र पानी वितरण गरेको थियो । यो अभियानमा जावेद खाँन र वसिम अनसारीले सघाइरहेका छन् ।
Discussion about this post