बर्दिया असोज १० गते ।
बर्दिया गुलरियास्थित बबई वहुमुखि क्याम्पसका प्रमुखको कोराना भाइरस संक्रमणबाट मृत्यु भएको छ । दुई बर्षदेखि फोक्सोको क्यान्सरबाट पीडित गुलरिया नगरपालिका ७ का ५० बर्षिय क्याम्पस प्रमुख भदौ ७ गते भाइरस संक्रमित हुनुभएको थियो ।
क्यान्सरको उपचार गरेर दिल्लीबाट फर्किएका उहाँ क्वारेन्टिनमा बस्नुभएको थियो । त्यसैबेला उहाँको भदौ ५ गते नमुना संकलन गरिएको थियो । ७ गते रिपोर्ट पोजेटिभ आएको थियो । उहाँ होमआइसोलेसनमा बस्नुभएको थियो ।
स्वास्थ्यमा समस्या देखिएपछि उपचारका लागि भेरी अस्पतालको कोभिड आइसोलेसन वार्डमा लैजाने क्रममा उहाँको आज भेरी अस्पताल परिसरमा मृत्यु भएको स्वास्थ्य कार्यालय बर्दियाका प्रमुख गोर्कण गिरीले स्वास्थ्य पेजलाई जानकारी दिनुभयो । योसँगै कोरोना भाइरस संक्रमणबाट मृत्यु हुनेको संख्या ४ पुगेको छ ।
ADVERTISEMENT
Discussion about this post